Көп тилдүү билим берүү программасын ишке ашыруу

Математика жана информациялык технологияларфакультетиндеги к өп тилдүү билим берүү программасы боюнча пилоттук группалардагы кыргыз тилинин окутулушу боюнча маалымат

Факультеттеги математика, информатиканы окутуу кафедрасында 2023-2024-окуу жылында 2 тайпа кабыл алынды. Алардын бирөөсү орус тилдүү, экинчиси кыргыз тилдүү тайпа болду. Тандоонун жыйынтыгы боюнча эки тайпаны (ФМО(б)-1-23, ФМО(б)-2-23) тен улук окутуучу Ж.К.Айтибаева окутту.

Окуу жылынын башында студенттердин тил билүү деңгээли субтесттин жардамы менен текшерилди. Натыйжада жогоруда аталган тайпалардагы студенттер А2 жана В1 деңгээлинде кыргыз тилин биле тургандыгы аныкталды. Тайпаларда кыргыз тилин экинчи тил катары окуп келген студенттер болгондуктан, окутуу программасы А2ден В1ге, В1ден В2ге багытталып түзүлдү.

Факультетте көп тилдүү билим берүү программасы боюнча жооптуу доцент Д.Култаева жана программа жетекчилери менен макулдашуунун негизинде пилоттук тайпалардын жумушчу программаларына кептик тема катары адистик боюнча тексттер киргизилди.

Ошондой эле орфографиялык эрежелер үчүн көбүрөөк саат бөлүнүшү тууралуу пикирлер эске алынды. Университеттин азыркы учурдагы иш багыттары, АЭМ боюнча да темалар кошулду. Ошондой эле грамматикалык темалар функционалдык аспектиден каралып тандалган. Жумушчу программа, силлабус тил билүү деңгээлин эске алуу менен түзүлүп, тексттердин типтерин, түрлөрүн, структурасын ажыратууга, маалымат жыштыгын, модалдуулугун, стилдик өзгөчөлүктөрүн аныктоого көңүл бурулган. Кесипке байланыштуу терминдер программада лексикалык минимум катары көрсөтүлгөн.

Учурдагы, аралык жана жыйынтык текшерүүлөрдүн материалдары кеп ишмердүүлүгүнүн түрлөрүн эске алуу менен түзүлгөн. Угуп, окуп түшүнүүсүн, жазуу, сүйлөө ишмердүүлүгүн текшерүүчү материалдарда да кесипке байланыштуу тексттер негиз болгон. Ошондой эле студенттердин илимий иш жазууга даярдоодо да жөнөкөйдөн татаалга ырааттуу иш алынып барууга аракет жасалды. Т.а., илимий стилдеги тексттерди талдоо тема, рема, тезис, абзац, маалымат жыштыгы, модалдуулук, шилтеме берүү сыяктуу маселелерди камтуу менен жүргүзүлдү.

Аталган факультетте көп тилдүү мугалимди даярдоо ишине кыргыз тилчи окутуучулар да өз салымын кошуп, тагылган милдетин так аткарып жатышкандыгын белгилейбиз.

Кординатор: улук окутуучу Айтибаева Ж.К