МЕЖДУНАРОДНЫЕ ОБРАЗОВАТЕЛЬНЫЕ ПРОГРАММЫ

Дүйнөлүк тилдер жана маданият факультети

эл аралык байланыштар жана академиялык мобилдүүлүк

боюнча 2021-2022-2023 окуу жылы үчүн маалымат

Дүйнөлүк тилдер жана маданият факультети көптөгөн чет өлкөлүк ЖОЖдор жана уюмдар менен тыгыз байланышта. Бүгүнкү күндө факультет өз алдынча бир канча максаттарды коюп иш алып барып жатат.

-Ааламдашуу доорунда дүйнөлүк билим берүү мейкиндигиндеги ЖОЖдор аралык интеграцияны, мобилдүүлүктү активдештирүү жана ички академиялык алмашууну жана студенттерди жаңы окуу чөйрөсүнө аралаштырып, сабакка болгон атаандашууларын күчөтүү менен бирге аларды коомчулук менен тил табышууга конүктүрүү;

– ЖОЖдор арасында педагогикалык тажрыйба алмашууну өнүктүрүү, белгилүү окумуштуулардын жана профессорлордун, доценттердин конок лекцияларын, ачык сабактарын уюштуруу жана алардын стажировкалардан өтүүлөрүн камсыздоо;

– профессордук-окутуучулук курамдын илимий изилдөө иштерин биргелешип жүргүзүүгө шарттарды түзүп берүү, илимий-практикалык конференцияларды уюштуруу;

Факультеттин студенттери да эл аралык программаларга активдүү катышууда. Академиялык мобилдүүлүк программаларынын алкагында, Испания (Кадис университети 1 студент), Туркия (Болу, Чукурова, Эдирне, Жумхуриет ж.б. университеттери 26 студент), Россия (Оренбург университети, Чуваш университети 2 студент), Казакстан (Гумилев атындагы Евразиялык улуттук университети, 25 студент ), Өзбекстан (М. Улугбек атындагы Өзбекстан улуттук университети, Фергана мамлекеттик университети, Андижан мамлекеттик университети 25 студент) мамлекеттерине студенттер жыл сайын 1 семестрге жана 1 айлык моонотто окуп келишет.

Отчеттук окуу жылында кош диплом боюнча да иш аракеттер колго алынып, Казакстан Республикасынын Гумилев атындагы Евразия Улуттук университетинин филология факультетинин Котормо иши адистиги боюнча биздин факультеттин Лингвистика багыты боюнча кош дипломдуу программага кол коюлуп, окуу планы иштелип чыгып, азыркы мезгилде Лингвистика багытынын жаны кабыл алынган 1-курстарынан 13 студент тандалып алынып, документтери Гумилев университетине тапшырылып, буйрук чыгып окуу башталып жатат.

Бул студенттер 2 жыл биздин факультете, 2 жыл Гумилев улуттук университетинин филология факультетинде окуп эки окуу жайдын дипломуна ээ болушат.

Ошондой эле окутуучулар жана студенттер Ош декларациясынын алкагында Кыргызстандын ичиндеги ЖОЖдорго академиялык мобилдүүлүк менен барып, тажрыйба алмашып келишет. Азыркы учурда Борбордук Азиянын Америка университетинде 1 студент, Кыргыз-Түрк Манас университетинде 6 студент,

И. Арабаев мамлекеттик университетинде 4 студент билим алууда.

Факультетке келген чет өлкөлүк профессорлордун жана тил адистердин да саны аз эмес. Мисалы, Фулбрайт программасы аркылуу чакырылган адистер факультеттин профессорлук-окутуучулук курамына жана студент-магистранттарга тренинг-семинарларды, консультацияларды уюштуруп жардам көрсөтүшөт. Азыркы жаны окуу жылында Fulbright программасы аркылуу чакырылган англис тили адиси Тим Ваул (АКШ) кызматташууда жана окутуучулардын квалификациясын жогорулатуга семинар трейнингдер байма-бай отуудо.

Азырда 2022- 2023-окуу жылында Туштук Кореянын Сейжонг Институтунун профессору Сок Кюнь О жана корей тили адисы Канг Жеёнг корей тили боюнча сабак берип жатышат, ал эми корей тили адистиги боюнча окуган студенттерибиз Туштук Кореяда академиялык мобилдүүлүк боюнча окуп келүүгө мүмкүнчүлүктөр жаралып жатат.

Координатор Умаров Х.

МЕЖДУНАРОДНЫЕ ОБРАЗОВАТЕЛЬНЫЕ ПРОГРАММЫ

https://www.daad-kyrgyzstan.org/ru/

https://www.goethe.de/de/index.html

https://oead.at/

https://kg.usembassy.gov/education-culture/exchange-programs/