Жогорку билим берүү системасында академиялык кызматташууну чыңдоо жана интернационализацияны өнүктүрүү максатында Ош Мамлекеттик университетинин окутуучулар тобу Индия жана Өзбекстандагы өнөктөштөрү менен биргеликте үч тараптуу эл аралык долбоорду ишке ашырууда. Долбоордун негизги максаты – интеграцияланган билим берүү программаларын иштеп чыгуу, академиялык мобилдүүлүктү кеңейтүү, тажрыйба алмашуу жана окутуучулардын квалификациясын жогорулатуу аркылуу билим берүүнү глобалдуу деңгээлде өнүктүрүү. Кызматташуунун негизги багыттары: 1. Окутуучулар үчүн биргелешкен семинарлар, мастер-класстар жана тренингдер; 2. Эл аралык педагогика жана салыштырма билим берүү боюнча модулдарды иштеп чыгуу; 3. Өнөктөш университеттер арасында онлайн жана салттуу академиялык алмашууларды уюштуруу; 4. Борбордук жана Түштүк Азиядагы билим берүү процесстерине жана академиялык маданиятка глобалдашуу таасиринин изилдениши. Бул долбоор Кыргызстан, Индия жана Өзбекстандын ортосундагы академиялык диалогду күчөтүп, билим берүү мейкиндигин кеңейтүүгө жана студенттер менен окутуучулар үчүн жаңы мүмкүнчүлүктөрдү түзүүгө өбөлгө болууда. Эл аралык демилге үч өлкөнүн билим берүү мекемелери жана кызыкдар тараптары тарабынан колдоого алынып, туруктуу жана өз ара пайдалуу академиялык өнөктөштүктүн маанилүү кадамы катары белгиленди.